Wo sin uns schöne Kinderjohre

Wo sin uns schöne Kinderjohre
Text: R.Fuchs / H.Knipp
Musik: H. Knipp

Vers
Du küß op de Welt, nüng Mond wor di Zehus
D'r Buch vun d'r Mamm, jetz muß de erus
Se hält dich em Ärm un singk dir e Leed
Du föhls dich jeborje, un de Zick, die verjeht

Se liehrt dich et laufe un ding Muttersproch
Dir fählt et an nix, häs vun allem jenoch
Dü küss en de Schull, weeds erwaaße janz flöck
Un die Zick dinger Kindheit, die kütt nie mieh zeröck

Refrain
Wo sin uns schöne Kinderjohre
Die Zick, die litt su wick zeröck
Se sin vill ze schnell aan uns vorbeijeflore
Als wör et nur ne koote Augebleck

Vers
Du liers alles kenne, wie et Levve su es
Kriesche, laache un singe, manch Famillijefeß
Pingsde un Ostern, Kirmes un Karneval
Advendszick un Chreßdaach, dat Kindche em Stall

Dann triffs de ding Liebe, du weiß dat s't es
Lös se nie mieh jonn, häls für immer se feß
Un us zwei weede drei, Kinderlaache doheim
Jo, su es et Levve, et weed immer su sin.

Refrain.....

C-Teil
Un denk ich aan die schöne Zick zeröck
Dann spür ich et Heimwih noh längs verjangenem Jlöck

Refrain.....

Schluß
Als wör et nur ne koote Augebleck
Un keiner brängk se je zeröck