Wie et fröher wor - Renate Fuchs

Wie et fröher wor
Text + Musik: Henner Berzau

Vers
Wie et fröher wor, off wor et bitter kalt,
un vielleich - hät üch die Jroß dovun verzallt.
Op kaal Finsterschieve - soh m’r Hängcher dröcke,
mänch klei Vüürwetznäsje - woll en Iisbloom plöcke.
Han se dann och noch die Schiev höösch anjehauch,
jov et Trone - weil für’n Iisbloom dat nit dauch.

Refrain
Wie die Bäkkelcher jlöhte - wann de Iisbloome blöhte.
Un de Iiszappe hingen eraff vun d’r Kall.
De Pänz dähte loore - et kann nit lang doore.
Dann leuch dä - Advendsstän - för uns överall.

Vers
Hück do setze all die Finsterrahme spack,
off sin Dubbelfinster och noch dropp jepack.
Bovve un och ahn de Sigge pief kei Lüffje,
janz jewess - jetz ess et wärm en jedem Stüffje.
Ävver frocht ens - wä noch hück en Iisbloom kennt,
die jehooten Johr för Johr en d’r Advent.

Refrain
Wie die Bäkkelcher jlöhte,…..

Vers
Un de Pute soh m’r dann de Iisbahn schlonn,
ohne Äsch zo streue kunnt do keiner jonn.
Zwesche Daach un düster däht mer flöck noch laufe,
för e Blösje beim Kuschteiemann zo kaufe.
Mänche Ankerkett am Rhing wod deck un weiß,
hinger Krebbe blänkte ald dat decke Iis.

Refrain
Wie die Bäkkelcher jlöhte,…..