Met de Johre (Weihnachtslied)

Met de Johre (Weihnachtslied)

Vers (gesprochen)
Jetz baal kütt en Zick, en Zick voller Jlöck.
Un je älder m'r weed, m'r hätt jo dozo jeleht.
Fröch m'r sich, op se och häld wat se versprich.
Nit jede Wunsch sing Erfüllung fung,
ävver irjenwie ess m'r em Hätz
dann doch widder jung.

Refrain
Jeiht met de Johre, manches verlore,
e bessje Jlöck bliet stets zoröck.
Et ess immer do, janz ejal wat och wor,
dat klei Stöckche Jlöck, bliet bei dir durch de Zick.

Vers (gesprochen)
D'r allerezte Weihnachtsbaum,
dä Klang vun enem Jlöckche.
De hillije Naach, e Pöppche met blond Löckche.
Dat janze dröm eröm, dat heimlich dun,
dä lekkere Duff överall en d'r Stuff.
D'r Broode, die Plätzjer un die schön Weihnachtstön

Refrain
Jeiht met de Johre, manches verlore…..

Vers
Un je älder m'r och weed un je mieh m'r dozo jeleht.
Ding Kindheit, dat ess jot, die hätt doch nie janz opjehoot.
Un je wigger du weg bess vun ihr,
öm su nöher, kütt se widder zoröck zo dir.
Dar staune un dat jläuve, wie en d'r Kinderzick,
dat ess et, wat dir immer noch bliet.

Refrain
Jeiht met de Johre, manches verlore,
e bessje Jlöck bliet stets zoröck.
Et ess immer do, janz ejal wat och wor,
dat klei Stöckche Jlöck, bliet bei dir durch de Zick.
Et ess immer do, janz ejal wat och wor,
dat klei Stöckche Jlöck, bliet bei dir durch de Zick.