Et Noßknackerleed - Renate Fuchs

Et Noßknackerleed
Text + Musik: Hans Knipp

Vers
Ich ben janz hatt - ich ben uss Holz,
ming hade Bier - ess minge Stolz.
Et janze Johr stonn ich em Schrank,
do weed mer manchmol bang.
Nur zur Weihnachtszick - denke se an mich,
dann - stellen se mich op d’r Desch.
Do dunn ich treu un brav ming Pflich,
denn keiner knack su jot wie ich.

Refrain
Dann kütt die Noß - en minge Kopp
un dann hauen se mer immer bovven drop.
Die Noß die kütt dann janz russ,
de Schal die späu ich uss.
Ich knacke Nöß - für klein un jroß,
denn dat ess minge Jopp.
Zur Weihnachtszick - do muß ich dann,
met mingem hade Äpel ran
un dann freuen sich alle Mann
wie jot ich knacke kann.

Vers
Ich saach kei Woot - beschwer mich nie,
deit mir ming Bier och noch su wieh.
Ich han jo Spass an mingem Jopp,
paff - dö häut ald widder einer drop.
Ich koss nitt vill - verlang kei Jeld,
dat ess jo jet - wat de Lück jefällt.
Doch manch einer dä an mir jespart,
hätt dat met enem Jebiss bezahlt.

Refrain 2x