Kleine Jung schlof jetz en

Kleine Jung schlof jetz en
Text + Musik: Hans Knipp

Vers
En nem Stall - zo Bethlehem
kome op de Welt
Vür zweidausend Johr
wie m’r noch hück verzällt
Sing Mamm die jing ihm övver et Hoor
Un saat - d’r leeve Jott
Bewaach dich hück - un jeden Daach
Kriesch nit - et weed schon jot.

Refrain
Kleine Jung - schloof jetz en
Du bruchs kein Angs zo han
Du liss wärm - en däm Ärm
He bei dinger Mamm
Kleine Jung - schloof jetz en
Un denk immmer dran
Wat all och kütt - dat weiß m’r nit
Hück fängk die Levve aan

Vers
Ne Engel reef Halleluja
Kutt zo däm Klein em Stall
Dat Kindche es - d’r Häär d’r Welt
De Hoffnung vür üch all
Als eeztes kom e Mädche aan
Un braat - däm Klein en Mötz
Dat hät däm richtich jot jedonn
Die Mötz hät jet jenötz

Refrain
Kleine Jung schloof jetz en
Du bruchs kein Angs zo han
Du liss wärm - en däm Ärm
He bei dinger Mamm
Kleine Jung schloof jetz en
Un denk immer dran
Wat all och kütt - dat - weiß m’r nit
Hück fängk die Levve aan
Wat all och kütt - dat - weiß m’r nit
Hück fängk die Levve aan